*जामनेर नगर परिषदेत निर्विवाद वर्चस्व (फरक २३/४)*

जामनेर (प्रतिनिधी):- येथील नगर परिषदेच्या १७ नगरसेवक पदांसाठी मतदान घेण्यात आले होते. आधीच भाजपच्या नगराध्यक्ष पदाच्या उमेदवार सौ. साधनाताई महाजन यांच्यासह ९ नगरसेवक हे बिनविरोध निवडून आलेले होते. त्यामुळे २ डिसेंबर रोजी घेण्यात आलेल्या निवडणुकीत १७ नगरसेवक निवडून द्यावयाचे होते. त्या १७ उमेदवारांसाठी दी.२१ रोजी येथील जळगांव रोडवरील शासकीय आय टी आय मध्ये मतमोजणी घेण्यात आली. यावेळी भाजपाला २७/० जागा मिळतील अशी अपेक्षा होती. मात्र त्यांचा अपेक्षा भंग झाला असून जामनेर नगरपरिषदेत राष्ट्रवादी काँग्रेस पक्षाने चंचू प्रवेश करत ४ नगरसेवक निवडून आणले आहेत. निवडणूक निकाल लागताच सुरुवातीला राष्ट्रवादी काँग्रेस पक्षाच्या वतीने जल्लोष करण्यात आला. त्यानंतर भाजपच्या कार्यकर्त्यांनी आय टी आय पासून ते नगर परिषद व ना.गिरीश महाजन यांच्या घरा पर्यंत विजयी मिरवणूक काढत आनंदोत्सव साजरा केला.